Փաստաբան Ծովինար Կարապետյանը ֆեյսբուքյան իր էջում գրում է. Ի՞նչ է կատարվում…Արդեն փաստաբանական գաղտնիք պարունակող հեռախոսային խոսակցություններն են գաղտնալսվում։
Ստացվում է, եթե ես ունեմ, օրինակ ՀՀ տարածքից դուրս գտնվող վստահորդ, ում հետ հաղորդակցվելու տարբերակը հեռախոսային խոսակցություններն են և/կամ կապի այլ միջոցներով տարվող նամակագրությունը, ապա ապահովագրված չեմ, որ վարույթն իրականացնող մարմնի կողմից հնարավոր է գաղտնալսվեմ։
Նման պայմաններում, առնվազն մտահոգիչ և անթույլատրելի է, որ այդ հեռախոսային խոսակցությունները և/կամ կապի այլ միջոցներով տարվող նամակագրությունը քրեական գործով կարող են դրվել որևէ ապացուցման ենթակա հանգամանքի հիմքում, հատկապես այն պարագայում, երբ դրանք գործով էական նշանակություն ունեցող տեղեկություններ են պարունակում։