Ինդոնեզիայի Սումատրա կղզում առնվազն ինը մարդ է զոհվել, ևս 17-ը՝ վիրավորվել կախովի կամրջի փլվելու հետևանքով: Այդ մասին հայտնել է «Սինհուա» գործակալությունը՝ հղում անելով արտակարգ իրավիճակների ծառայություններին՝ տեղեկացնում է TASS-ը։
Ինչպես նշում է գործակալությունը, հորդառատ անձրևները հեղեղումներ են առաջացրել, որոնք հունվարի 19-ին տեղական ժամանակով 15:00-ին (Երևանի ժամանակով 12:00-ին) կամրջի փլուզման պատճառ են դարձել Բենկուլու նահանգում:
«Մենք հայտնաբերել ենք կամրջի փլուզման հետևանքով ինը զոհի»,- հայտարարել է նահանգի որոնողա-փրկարարական վարչության ղեկավար Աբդուլ Մալիքը: Նա հավելել է, որ ևս մեկ մարդ անհայտ կորած է համարվում:
Որոնումներին մասնակցել են 100-ից ավելի փրկարարներ, զինվորներ, ոստիկաններ, Տարերային աղետների հակազդման ազգային գործակալության աշխատակիցներ ու կամավորներ։