Այսօր՝ հունվարի 20-ին, Ազգային ժողովում մեկնարկել է 7-րդ գումարման 4-րդ նստաշրջանը: Այժմ քննարկվում է օպերատիվ հետախուզական գործունեության մասին օրենքի նախագիծը 2-րդ ընթերցմամբ ընդունելու մասին հարցը:
Ինչպես ասաց պատգամավոր Արման Բաբաջանյանը՝ ինքը 1-ին ընթերցման ժամանակ կողմ է քվեարկել, հիմա էլ է պաշտպանելու այս խոշորածավալ փոփոխությունը. «Սակայն մենք չենք կարող չարձանագրել, որ հիասթափված ենք ոստիկանության վերջին շրջանի գործողություններից. մեկը Հոկտեմբերի 27-ի գործով առանցքային դերակատար՝ դատավոր Սամվել Ուզունյանի՝ երկիրը լքելու փաստն է, մյուսը Ռուբեն Հայրապետյանի տան խուզարկությունը. նա ոստիկաններին ձեռ էր առել լրագրողների հետ զրույցում»:
Պատգամավորի խոսքով՝ ոստիկանությունը համարժեք չի գործում նաև քրեական հեղինակությունների դեմ պայքարում. «Մտահոգությունները կապված են ոստիկանության պրոֆեսիոնալիզմի հետ. ավելի մեծ վստահություն կա ԱԱԾ-ի նկատմամբ»:
Մանրամասները՝ տեսանյութում:
