Ուկրաինայի նախագահ Վլադիմիր Զելենսկին Times of Israel-ին տված հարցազրույցի ժամանակ աասել է, որ ձգտում է ԱՄՆ-ի հետ լավ հարաբերություններ ունենալ, բայց կցանկանար, որ Ուկրաինան եւ նրա քաղաքացիները չներքաշվեին Վաշինգտոնի ներքին գործերին:
«Ես ոչ մի ապօրինի քայլ չեմ արել… Ես արել եմ այն, ինչ կարող էր անել Ուկրաինայի նախագահը, որպեսզի ունենա լավ, վստահելի եւ ամուր հարաբերություններ մեր ռազմավարական գործընկերներից մեկի՝ ԱՄՆ-ի հետ,- ասել է Զելենսկին:
Ուկրաինայի նախագահը նաեւ ընդգծել է, որ միշտ ձգտել է հասնել նրան, որ Ուկրաինան կամ նրա քաղաքացիները չներքաշվեն ԱՄՆ-ի ներքին քաղաքական հարցերին: «Դա իրենց երկիրն է, եւ նրանք իրենց երկրին այնպես են վերաբերում, ինչպես իրենց դուր է գալիս: Ես չեմ ուզում, որ նրանք մեզ ներքաշեն իրենց ներքին քաղաքականությանը վերաբերող հարցերին»,- ավելացրել է Զելենսկին:
Ուկրաինայի նախագահը նոյեմբերին հայտարարում էր, որ Կիեւը չի պատրաստվում միջամտել ԱՄՆ ընտրություններին: