Այսօր՝ հունվարի 20-ին, Ազգային ժողովում մեկնարկել է 7-րդ գումարման 4-րդ նստաշրջանը: Այժմ քննարկվում է Զինվորական ծառայություն չանցած քաղաքացիների մասին օրենքում փոփոխություններ կատարելու մասին հարցը:
Ինչպես ներկայացրեց «Լուսավոր Հայաստան» խմբակցության պատգամավոր Գևորգ Գորգիսյանը՝ այսօր զինվորական ծառայություն չանցած և 27 տարին լրացած անձը, վերադառնալով Հայաստան, միանգամից ենթարկվում է քրեական հետապնդման. «Միջին ծանրության հանցագործությունը հավասարեցվում է մարդկության դեմ կատարված հանցագործություններին: Սա պետք է հանել և օրենքը թողնել նույնը»:
Նրա խոսքով՝ այս նախագիծը ուղղված է ներգաղթին:
Գլխադասային հանձնաժողովում այս օրինագիծը բացասական եզրակացության է արժանացել: «Կա հստակ գիծ. այս օրենքը չի կարող անվերջ շարունակվել, բանակից խուսափել այլևս չի լինելու: Պարտադիր զինվորական ծառայությունը պարտադիր է»,- նշեց «Իմ քայլը» խմբակցության պատգամավոր Տիգրան Կարապետյանը:
Մանրամասները՝ տեսանյութում: