Լուրեր
Վաղուց ժամանակն է, որ իշխանությունները պարզեն Բաքվի ջարդերի զոհերի թիվը. Մարիամ Ավագյան
  • 14:48
  • 2020-01-18
  • Դիտումներ՝ *

Այսօր՝ հունվարի 18-ին, Ազգային ժողովում հրավիրվել է ՀՀ Ազգային ժողովի և Արցախի Ազգային ժողովի Համագործակցության հանձնաժողովի հատուկ ընդլայնված նիստ՝ նվիրված Բաքվի ջարդերի 30-րդ տարելիցին:

Ադրբեջանական ԽՍՀ-ից փախստականների համագումարի համակարգող Մարիամ Ավագյանը իր ելույթը սկսեց մի քանի հիշեցումներով. «Այն, ինչ տեղի է ունեցել Ադրբեջանում, միանշանակ պետք է որակենք որպես գենոցիդ՝ ցեղասպանություն: Ջարդի նպատակը ոչ թե անձնական վրեժխնդրությունն էր, այլ բացառապես ազգային, էթնիկական պատկանելությունը: Բաքվում հայերի ցեղասպանությունը սկսվել է 1988 թվականի փետրվարից»:

Նրա խոսքով՝ վաղուց ժամանակն է, որ իշխանությունները պարզեն զոհերի թիվը. «Նրանց հիշատակը պահանջում է անուն առ անուն կազմել զոհերի, անհետ կորածների ցուցակները: Դա հնարավոր է անել, քանի դեռ ողջ են ականատեսները, դրա համար պետք չէ մի հարյուրամյակ սպասել»:

Մարիամ Ավագյանն ընդգծեց՝ այդ տարածքները ոչ թե օկուպացված են, այլ ազատագրված են ցեղասպաններից. «Հայկական իշխանությունները պետք է հրաժարվեն ժամանակ շահելու, ստատուս-քվոյի պահպանման անհեռատես ու ռիսկային մարտավարությունից: Պետք է մշակեն թուրքիզմի ականները վնասազերծող քայլեր»:

 

Մանրամասները՝ տեսանյութում:

  • Դիտումներ՝ *