Այսօր՝ հունվարի 18-ին, Ազգային ժողովում հրավիրվել է ՀՀ Ազգային ժողովի և Արցախի Ազգային ժողովի Համագործակցության հանձնաժողովի հատուկ ընդլայնված նիստ՝ նվիրված Բաքվի ջարդերի 30-րդ տարելիցին:
ՀՀ Մարդու իրավունքների պաշտպան Արման Թաթոյանը նշեց. «Սա առիթ է արձանագրելու էթնիկ, ազգային հիմքով դաժան հանցագործությունները, որոնք ուղեկցվել են խոշտանգումներով ու վայրագություններով և ունեցել են կազմակերպված բնույթ»:
Նրա խոսքով՝ հայատյացությունը ոչ միայն չի վերացել, այլև վերածվել է Ադրբեջանի բարձրագույն ղեկավարության աջակցությունն ունեցող ատելության. «Հայատյացությունը Ադրբեջանի պետական քաղաքականության մաս է և դրսևորոմ է ստանում բոլոր ոլորտներում: Այդպիսի օրինակ է Արցախ այցելողների «սև» ցուցակները՝ ուղղված Արցախի մեկուսացմանը: Իրականում Արցախը քաղաքակիրթ աշխարհի բաղկացուցիչ մասն է: Միանգամայն լեգիտիմ են այդ այցելությունները»:
ՄԻՊ-ն ընդգծեց՝ Արցախում ապրող կանայք, երեխաները, հաշմանդամները պետք է պաշտպանված լինեն ինչպես երկրի ներսում, այնպես էլ միջազգային կազմակերպությունների կողմից:
Մանրամասները՝ տեսանյութում:
