ԶԼՄ-ները նշել են այն երեք փաստաբանների անունները, որոնք կպաշտպանեն ԱՄՆ նախագահին Սենատում՝ գործի քննության ժամանակ։
ԱՄՆ նախագահ Դոնալդ Թրամփը համաձայնեցրել է իմփիչմենթի հարցով իր պաշտպանների կազմը։ Երեք փաստաբանների անունները հունվարի 17-ին հրապարակել է Associated Press-ը։ Գործակալության զրուցակցի տվյալներով՝ Թրամփի շահերը ներկայացնող իրավաբանների խմբի կազմում կլինեն Հարվարդի համալսարանի իրավունքի նախկին պրոֆեսոր Ալան Դերշովիցը և նախկին անկախ փաստաբան Քեն Սթարը, որը ղեկավարում էր նախկին նախագահ Բիլ Քլինթոնի գործով հետաքննությունը։
Բացի այդ, ամերիկյան նախագահի պաշտպանների թիմում կլինի Ֆլորիդայի նախկին գլխավոր դատախազ Փեմ Բոնդին, որը Թրամփի վաղեմի դաշնակիցն է։