Սիրիայի Հալեպ քաղաքում գրոհայինների գնդակոծությունների արդյունքում 28 խաղաղ բնակիչ է զոհվել, ևս 56-ը վնասվածքներ են ստացել։ Այս մասին հաղորդում է ՌԻԱ Նովոստին՝ հղում անելով Հակամարտող կողմերի հաշտեցման ռուսական կենտրոնին։
Նշվում է, որ զինվորականներ չեն տուժել։
Հայտնի է, որ գնդակոծությունները տեղի են ունեցել Իդլիբ նահանգի՝ ահաբեկիչների կողմից վերահսկվող գոտիներից՝ հասնելով անգամ Հալեպի կենտրոնական փողոցներ։
Տեղի հոսպիտալի վիրաբուժական բաժանմունքի ղեկավար Մանաֆ Շարբաջիի խոսքերով, 18 վիրավորներից երեքը մահացել են, մի քանիսին վիրահատել են։
