Աշոցքի երկրաշարժային օջախում Էներգիայի բնականոն պարպում է գնում: Այս մասին հայտնում է Շիրակի մարզպետ Տիգրան Պետրոսյանը:
Նրա փոխանցմամբ` առաջին ցնցումից մինչ այժմ շատ թույլ (մինչև 1բալ) մոտ 20 ցնցում է գրանցվել և հենց նոր մի փոքր ավելի ուժգին մինչև 3 բալանոց ցնցում։
Ավելի վաղ հայտնել ենք, որ լուսաբացին Շիրակի մարզում այսօր երկու երկրաշարժ է գրանցվել:
ԱԻՆ-ի փոխանցմամբ`առաջինը գրանցվել է տեղական ժամանակով ժամը 05:28-ին (Գրինվիչի ժամանակով ժամը` 01:28-ին)`Աշոցք գյուղից 10 կմ հարավ-արևելք, օջախի 10 կմ խորությամբ, 3.6 մագնիտուդով երկրաշարժ:
Էպիկենտրոնային գոտում ստորգետնյա ցնցման ուժգնությունը կազմել է 4-5 բալ:
Երկրաշարժը զգացվել է Լոռու մարզի Սպիտակ քաղաքում, Հարթագյուղ (Ղալթախչի) և Շիրակամուտ բնակավայրերում, Շիրակի մարզի Գյումրի քաղաքում, ինչպես նաև Ջաջուռ և Աշոցք գյուղերում», – նշված է պաշտոնական հաղորդագրության մեջ:
Երկրորդը գրանցվել է 2.4 մագնիտուդով` տեղական ժամանակով ժամը 08:20-ին (Գրինվիչի ժամանակով ժամը` 04:20-ին)` Աշոցք գյուղից 19 կմ հարավ-արևելք, օջախի խորությունը`10 կմ:
Էպիկենտրոնային գոտում ստորգետնյա ցնցման ուժգնությունը կազմել է 3 բալ:
Երկրաշարժը զգացվել է Շիրակի մարզի Գյումրի քաղաքում և Ձորաշեն գյուղում:
https://www.facebook.com/tigranpetrosyanN10/posts/602931690545240