Ուկրաինայի ազգային ոստիկանությունը սկսել է քրեական գործեր հարուցել այն բանից հետո, երբ ԱՄՆ Ներկայացուցիչների պալատի հետախուզական կոմիտեն հրապարակել է տեղեկատվություն առ այն, որ Ուկրաինայում գտնվելու ընթացքում Մարի Լուիզա Յովանովիչը, որ Կիևում ԱՄՆ դեսպան էր 2016-2019 թթ․, ապօրինբար լրտեսվել է: Այդ մասին հինգշաբթի՝ հունվարի 16-ին, Facebook-ում հաղորդում է տարածել Ուկրաինայի ՆԳՆ մամուլի ծառայությանը:
Հետաքննությունն իրականացվում է Ուկրաինայի քրեական օրենսգրքի երկու հոդվածով՝ 163-րդ հոդվածի 2-րդ մասով՝ «նամակագրության, հեռախոսային խոսակցությունների գաղտնիության խախտման մասին», և 182 հոդվածի 1-ին մասով՝ «անձի մասին տեղեկատվության ապօրինի հավաքագրման, պահպանման, գաղտնի տեղեկությունների օգտագործման և անձի մասնավոր կյանքի անձեռնմխելիության խախտման մասին»:
Ինչպես հունվարի 14-ին նշել է հետախուզության կոմիտեն, Յովանովիչի նկատմամբ կարող էր ապօրինի վերահսկողություն իրականացվել: Բացի այդ, մասնավոր անձինք, ովքեր գործել են «ԱՄՆ քաղաքացիների պատվերով», կարող էին միջամտել նախկին դեսպանի էլեկտրոնային սարքերի աշխատանքին:
