Չինաստանի բնակչությունը՝ առանց Հոնկոնգ, Մակաո և Թայվան հատուկ վարչական շրջանների, 2019 թվականի վերջին ավելացել Է 4,67 միլիոնով՝ գերազանցելով 1,4 միլիարդը, այդ թվում՝ 715,27 մլն տղամարդ և 684,78 մլն կին: Այդ մասին վկայում են երկրի պետական վիճակագրական բյուրոյի տվյալները:
2019 թվականին երկրում գրանցվել Է 14,65 մլն նորածին, իսկ ծնելիության գործակիցը հազար մարդու հաշվով կազմել Է 10,48: Նույն տարվա ընթացքում Չինաստանում մահացել Է 9,98 մլն մարդ, իսկ մահացության գործակիցը կազմել Է 7,14՝ հազար մարդու հաշվով: Բնակչության բնական աճը կազմել Է 3,34 մլն մարդ:
Քաղաքային բնակչությունը մեկ տարվա ընթացքում ավելացել Է 17,06 միլիոնով և կազմել 848,43 մլն մարդ, իսկ գյուղականը կրճատվել է 12,39 միլիոնով և կազմել 551,62 մլն մարդ: Քաղաքային բնակչության բաժինը 59,58 տոկոսից ավելացել է մինչեւ 60,6 տոկոս: