Երգիչ Գրիգորի Լեպսը մեկնաբանել է լուրերն այն մասին, որ Ռուսաստանի վարչապետի պաշտոնի թեկնածու և Դաշնային հարկային ծառայության ղեկավար Միխայիլ Միշուստինը, իբր, իր երկու երգերի հեղինակն է՝ գրում է lenta.ru-ն։
Երգիչը իր երգերի հետ պաշտոնյայի կապի մասին լուրերը անվանել է ասեկոսեներ: «Չէ, ինչ եք ասում, դրանք ասեկոսեներ են: Ինչի՞ մասին եք խոսում: Երաժշտությունն ուր, Միշուստինն ուր: Ինչի՞ մասին եք խոսում: Թող քաղաքական գործիչները զբաղվեն քաղաքականությամբ, իսկ մեզ՝ երաժիշտներիս, թողեք երաժշտությունը», – ասել է Լեպսը:
Ավելի վաղ «Վեդոմոստի» պարբերականը, հղում անելով Միշուստինի հետ լավ ծանոթ զրուցակիցների, տեղեկություն էր տարածել, որ Միխայիլ Միշուստինը Լեպսի կատարած «Մոխիր» և «Իսկական կին» երգերի երաժշտության հեղինակն է։
