«Միանշանակ կիսում եմ այն կարծիքը, որ ֆինանսական գրագիտության խնդիրը Հայաստանում շատ սուր է դրված: Եթե մարդ պատրաստ է ամսական 10%-ով (պատկերավոր եմ ասում) վարկային կազմակերպությունից վարկ վերցնել առանց հաշվարկելու, թե դա ինչ հետևանքներ կունենա, սա շատ լուրջ խնդիր է: Իհարկե, պատգամավորի նախաձեռնությունը պայմանավորված է հենց դրանով, որ մարդկանց ինչ-որ ձևով պաշտպանեն: Սա ողջունել է, բայց թե ինչ հետևանքների կբերի, ես չեմ կարող ասել: Եթե մարդկանց ֆինանսական գրագիտությունը չաճի, ապա կգտնվեն միջոցներ մարդկանց այլ եղանակներով որսալ այս սարդոստային մեջ»,-«Առաջին լրատվական»-ի հետ զրույցում ասաց ԱԺ «Իմ քայլը» խմբակցության անդամ Հայկ Գևորգյանը՝ անդրադառնալով պատգամավորներ Արտակ Մանուկյանի և Վարազդատ Կարապետյանի օրենսդրական նախաձեռնությանը, որով առաջարկում են մեղմել վարկային կազմակերպությունների դրույքաչափերը: