Սիրիայի զինվորականները ահաբեկիչների հետ կատաղի մարտերից հետո Իդլիբի արեւելքում երկու բնակավայր են գրավել՝ Աբու-Ջարիֆը եւ Տելլ-Խատրան: Ինչպես հաղորդում է Sham FM ռադիոկայանը, կառավարական զորքերը վերսկսել են հարձակողական գործողությունները տարածքում 5 օրյա հրադադարից հետո:
Ավելի վաղ, դեկտեմբերի 19-ին սկսված հարձակման ժամանակ, սիրիական բանակին հաջողվել էր ազատագրել 46 բնակավայր Իդլիբի հարավում եւ արևելքում եւ վերականգնել վերահսկողությունը 320 քառակուսի կիլոմետր տարածքի վրա:
Միաժամանակ սիրիական հրետանին պատրաստական աշխատանքներ է կատարում Հալեպի հարավային շրջաններում, որտեղ հարձակումներ են իրականացվում Խան Թումմանի, Հալսի և Եզ-Զերբայի ահաբեկիչների անցակետերում: Ինչպես հաղորդել է «Аль-Ватан» թերթը, հանրապետության զինված ուժերի հրամանատարությունը այդ շրջան է տեղափոխել զրահատեխնիկան: «Ջեբհատ ան-Նուսրիի» եւ նրա դաշնակիցների դեմ օպերացիան թույլ կտա Սիրիայի այս մեծ քաղաքն ազատել ահաբեկիչների ականանետներից: Բացի այդ, զորքերը կկարողանան վերականգնել Հալեպ-Դամասկոս և Հալեպ-Լաթաքիա մայրուղու այն հատվածները, որոնք այժմ գտնվում են ահաբեկչական կազմավորումների ձեռքում: