ԱՄՆ նախագահի անձնական փաստաբան Ռուդի Ջուլիանիի օգնական Լև Պառնասը հայտարարել է, որ նախագահ Դոնալդ Թրամփը սպառնացել է զրկել Ուկրաինային ցանկացած օգնությունից։ Այս մասին հաղորդում է Associated Press-ը՝ հղում անելով MSNBC հեռուստաալիքին Պառնասի տված հարցազրույցին։ Պառնասը պատմել է, որ որպես Թրամփի ներկայացուցիչ վերջնագիրը ներկայացրել է Ուկրաինայի նախագահ Վլադիմիր Զելենսկուն։
Պառնասի խոսքերով, ԱՄՆ-ը սպառնացել է դադարեցնել ցանկացած օգնություն Ուկրաինային, եթե վերջինս հրաժարվի հետաքննություն հայտարարել ԱՄՆ նախկին փոխնախագահ, Դեմոկրատական կուսակցությունից 2020 թվականի ընտրություններում նախագահի թեկնածու Ջո Բայդենի նկատմամբ։