Թուրքիայի և ԱՄՆ նախագահներ Ռեջեփ Թայիփ Էրդողանը և Դոնալդ Թրամփը հեռախոսային բանակցությունների ընթացքում քննարկել են Լիբիայում և տարածաշրջանում տիրող իրավիճակը, ինչպես նաև երկկողմ հարաբերությունները: Այս մասին հաղորդել է թուրք առաջնորդի վարչակազմը:
Երկուշաբթի օրը Մոսկվայում միջլիբիական բանակցություններ են անցկացվել՝ ՌԴ-ի և Թուրքիայի ներկայացուցիչների մասնակցությամբ: Լիբիայի ազգային բանակի ղեկավար Հաֆթար Խալիֆան հեռացել է Մոսկվայից՝ չստորագրելով հրադադարի մասին համաձայնագիրը Ֆայեզ Սարաջի՝ Տրիպոլիում գործող կառավարության հետ: Ազգային համաձայնության կառավարության ԱԳՆ ղեկավար Մուհամեդ աթ-Թահեր Սիյալան հաղորդել է ՌԻԱ Նովոստիին, որ ԱՀԿ-ի պատվիրակությունը ստորագրել է համաձայնագիրը, ինչից հետո Ստամբուլ է մեկնել։
2011-ին Լիբիայի առաջնորդ Մուհամար Քադաֆիի տապալումից և սպանությունից հետո երկիրը գործնականում դադարել է գործել որպես միասնական պետություն: Ներկա պահին երկրում երկու իշխանություն է գործում: Արևելքում իշխում է ժողովրդի կողմից ընտրված խորհրդարանը, իսկ արևմուտքում և մայրաքաղաք Տրիպոլիում՝ ՄԱԿ-ի և ԵՄ-ի աջակցությամբ կազմավորված Ազգային համաձայնության կառավարությունը: Երկրի արևելյան հատվածի իշխանությունները գործում են Տրիպոլիից անկախ և համագործակցում Հաֆթարի բանակի հետ: