«Ես կարծում եմ՝ այս մասով վերջնական եզրակացություն անելու համար մենք պետք է տարեկան ամփոփ տվյալներ ունենանք, որովհետև ներդրումները ունեն նաև որոշակի ընթացակարգ և տրամաբանություն: Որոշ ամիսներ իրենք ավելի արագ տեմպեր ունեն, որոշ ամիսներ ոչ այնքան: Այստեղ սեզոնայնության հարցեր կան, հետևաբար զերծ կմնամ կոնկրետ վերջնական գնահատական տալուց: Երբ տարեկան տվյալները հրապարակվեն, ավելի խորքային ուսումնասիրության կենթարկենք»,-անդրադառնալով անցած ինն ամիսներին օտարերկրյա ուղղակի ներդրումների ծավալի շուրջ 60մլն դոլարի նվազմանը՝ մեզ հետ զրույցում ասաց ԱԺ «Իմ քայլը» խմբակցության պատգամավոր Գևորգ Պապոյանը:
Հարցին՝ որքանով է ներդրումների ծավալը գոհացնում, պատգամավորը նշեց, որ եթե թվերը վերջնական հրապարակված չեն, չենք կարող եզրակացնել, որ ներդրումներ չկան, և սա կարող է մասնավոր դիտարկում լինել, ոչ ավելին: