Արարատյան դաշտում ավանդաբար տարվա ամենաշոգ ժամանակահատված է համարվում հուլիսի 3-րդ և օգոստոսի առաջին տասնօրյակը:
Շոգ եղանակին մարդու օրգանիզմի վրա առավել մեծ ազդեցություն ունեցող հիմնական բացասական գործոններն են օդի բարձր ջերմաստիճանը և ուլտրամանուշակագույն ճառագայթումը: Օդի բարձր ջերմաստիճանը կարող է հարուցել նաև առողջական խնդիրներ, քանի որ շոգ եղանակին օրգանիզմի մի շարք օրգան-համակարգեր ստիպված ավելի ինտենսիվ են աշխատում։
Մասնագետները օդի բարձր ջերմաստիճանի, վարակիչ հիվանդություններից, սննդային թունավորումներից խուսափելու համար խորհուրդ են տալիս խուսափել արևի ուղիղ ճառագայթներից, հատկապես ժ. 12:00-17:00 ընկած ժամանակահատվածում, քայլել ստվերում, կրել գլխարկ, արևային ակնոց, հովանոց, հագնել սպիտակ կամ բաց երանգների ազատ, օդաթափանց, բամբակյա կտորից հագուստ, օգտագործել մինչև 3 լիտր ըմպելիք։
Ցանկալի չէ չարաշահել կոֆեին և շաքար պարունակող տաք ու սառը ըմպելիքները, մասնագետները խորհուրդ են տալիս նաև ուտել մեծ քանակությամբ լավ լվացած միրգ ու բանջարեղեն։ Ցանկալի է խուսափել յուղոտ, կծու ուտելիքներից, հատկապես փողոցներում պատրաստված սննդից։
