Բեյրութի կենտրոնական բանկի շենքի մոտ ակտիվիստները քարեր են նետել ոստիկանների վրա, ոստիկանությունը արցունքաբեր գազ է կիրառել ցուցարարներին ցրելու համար։
Ցուցարարների և ոստիկանության միջև բախումները ուղիղ եթերով հեռարձակել է լիբանանյան LBC հեռուստաալիքը։
Ակտիվիստները աղբամաններ են այրել և արգելափակել են կենտրոնական բանկի մոտի փողոցները։ Բախումների վայր են ժամանել շտապ օգնության մեքենաները։Բախումների մասին հաղորդումից հետո ցուցարարների նոր խմբեր են սկսել ավելանալ։ Ոստիկանությունը նույնպես ամրացնում է իր դիրքերը։
Երեքշաբթի օրը ողջ երկրում ակտիվիստները կրկին փողոցներ են դուրս եկել և փակել են դրանք։ Բացի Բեյրութի փողոցներից, ցուցարարները փակել են Դամասկոս տանող գլխավոր մայրուղին։
Ավելի վաղ Բեյրությում վարչապետ Հասան Դիյաբայի տան մոտ ցուցարարները 48 ժամ էին տվել իշխանություններին՝ նոր կառավարություն ձևավորելու համար։ Հակառակ դեպքում նրանք խոստացել են ավելի վճռական քայլերի դիմել։