ԱՄՆ-ը պետք է դաշնակիցների հետ համատեղ Իրանին հարկադրի վերադառնալու Գործողությունների համատեղ համապարփակ ծրագրի կատարմանը (ԳՀՀԾ): Այդ մասին Դեմոկրատական կուսակցությունից ԱՄՆ-ի նախագահի պաշտոնի թեկնածուի հավակնորդների՝ հունվարի 14-ին այս տարի առաջին համազգային հեռուստաբանավեճերի ընթացքում հայտարարել Է ԱՄՆ-ի նախկին փոխնախագահ Ջոզեֆ Բայդենը: Դե Մոյնում (Այովայի նահանգ) Դրեյքի համալսարանից հեռարձակումը վարել Է CNN հեռուստաընկերությունը:
«ԱՄՆ-ի ապագա նախագահը պարտավոր կլինի ձգտել ապահովելու դաշնակիցների աջակցությունը, վերականգնելու մեր դաշինքները և Իրանին հարկադրել վերադառնալու համաձայնագրի կատարմանը»,- հայտարարել է նա:
Բայդենի խոսքով՝ Թրամփի վարչակազմի կողմից իրականացվող քաղաքականության հետևանքով ԱՄՆ-ը «կորցրել Է դիրքերը» Մերձավոր Արևելքում և «զրկվել դաշնակիցների աջակցությունից», հաղորդել է ՏԱՍՍ-ը: