Արդարադատության նախարարությունը հայտարարություն է հրապարակել սահմանադրական բարեփոխումների մասնագիտական հանձնաժողովի անդամների թեկնածության հայտեր ներկայացնելու վերաբերյալ: Այսպիսով՝ տրվում է կարևոր գործընթացի մեկնարկը: Ըստ բազմաթիվ գնահատականների՝ սահմանադրական բարեփոխումների հարցը Հայաստանի առջև ծառացած կարևորագույն խնդիրներից մեկն է:
Թեմայի շուրջ «Առաջին լրատվական»-ի հետ զրույցում Հարվարդի համալսարանի նախկին գիտաշխատող, իրավաբան Արտյոմ Գեղամյանը նշեց. «Սահմանադրական բարեփոխումների մասնագիտական հանձնաժողովի ձևավորումը ընթացակարգային նշանակություն ունեցող երևույթ է, որը պետք է ծառայի հիմնական նպատակին: Հիմնական նպատակը սահմանադրական փոփոխություններն են»: Մեր զրուցակցի դիտարկմամբ՝ Սահմանադրական բարեփոխումները անհրաժեշտություն են, և դրանք պետք է վերաբերեն ոչ միայն կառավարման համակարգին:
«Նախ անհրաժեշտ է դիագնոստիկա անել. արդյո՞ք գործող Սահմանադրության դրույթները, իրավական ակտերն են մեր դժբախտությունների հիմնական պատճառը: Հուսով եմ՝ Սահմանադրական բարեփոխումների մասնագիտական հանձնաժողովը կկատարի այդ աշխատանքը»,- նշեց Արտյոմ Գեղամյանը: Նրա խոսքով՝ իշխանության ռազմավարական մտածելակերպը շատ թույլ է. սահմանադրական փոփոխությունների շուրջ ծավալվում է կեղծ բանավեճ:
Մանրամասն՝ տեսանյութում: