Մոսկվայում կայացել է Թուրքիայի և Սիրիայի հետախուզական ծառայությունների ղեկավարների հանդիպումը և դարձնել է վերջին տաս տարիների ընթացքում թուրքական և սիրիական հետախուզությունների միջև առաջին շփումը: Հանդիպումից հետո Թուրքիայի մի շարք անանուն պաշտոնյաներ հաստատել են այս տեղեկությունը Reuters գործակալությանը:
Reuters-ի տվյալներով, կողմերը քննարկել են Սիրիայի հյուսիս-արևմտյան Իդլիբ նահանգում հրադադարի ռեժիմը և հետագա քայլերը՝ ուղղված Սիրիայի հյուսիսում զինված քրդական խմբերի ներկայության դեմ գործողությունների համակարգմանը: Ինչպես մեջբերել է Reuters-ը թուրքական պաշտոնյայի խոսքերը, երկու երկրների հետախուզական ծառայությունները ուսումնասիրում են «թուրք-սիրիական սահմանի երկու կողմերում անջատողական քրդական խմբերի դեմ միասնական աշխատանքի հնարավորությունը»:
Հիշեցնենք, որ Թուրքիայի նախագահ Ռեջեփ Թայիփ Էրդողանը բացահայտորեն կոչ էր անում տապալել Սիրիայի առաջնորդ Բաշար Ասադի ռեժիմը: Թուրքական իշխանությունները պարբերաբար Ասադին անվանում էին «ահաբեկիչ» և մեղադրում էին նրան քրդական աշխարհազորայիններին գաղտնի աջակցության մեջ, որոնք մի քանի տասնամյակ պատերազմում են Անկարայի դեմ: