Լուրեր
Այս թոհուբոհի մեջ Հայաստանը ամեն ինչ պետք է անի ոտատակ չընկնելու համար
  • 18:30
  • 2020-01-13
  • Դիտումներ՝ *

Անկարայում Էրդողանն ու Պուտինը հանդիպեցին գազատարի բացման առիթով և կոչ արեցին Լիբիային դադարեցնել սրացումը։ Տեսակետներ են հնչում, որ Լիբիան իր թեժությամբ կարող է վերածվել երկրորդ Սիրիայի։

Ի՞նչ վտանգներ կան այս առումով, և ինչո՞վ է այն սպառնում տարածաշրջանին և, մասնավորապես, Հայաստանին․ «Առաջին լրատվական»-ի հարցին ՀՀ արտակարգ և լիազոր դեսպան Արման Նավասարդյանը պատասխանեց․ «Շատ մեծ վտանգներ կան, որովհետև արդեն տաս տարի է՝ այնտեղ ռազմական գործողություններ են ընթանում՝ Քադաֆիի սպանությունից հետո։ Այնտեղ կենտրոնացված են ահաբեկիչներ ամբողջ տարածաշրջանից։ Ուժը բաժանված է երկու մասի՝ կա ՄԱԿ-ի կողմից ճանաչված ազգային միասնության կառավարություն, և նրա դեմ ակտիվ պատերազմական գործողություններ է մղում մարշալ Աֆտարը։ Փաստորեն՝ երկիրն ուզում են ծվատել ու բաժանել մասերի։ Խոսքը սրա մասին է, և ամեն մեկի հետևում կան մեծ տերություններ, որոնք երկու կողմից նպաստում են։ Այստեղ, ինչպես ամեն տեղ, Թուրքիան մտավ խաղի մեջ»։

Իսկ ո՞րն է Թուրքիայի ամենասպասվող երկարաժամկետ և կարճաժամկետ շահն այս խաղից․ «Առաջին լրատվական»-ի հարցին Արման Նավասարդյանը պատասխանեց․ «Շահերը մի քանի ուղղությամբ են։ Առաջինը՝ երևի նրա գլխում նորից ծագել է պանթյուրքիզմի երազանքը։ Լիբիան շատ հարուստ ու հեռանկարային երկիր է, որը 16-րդ դարում Թուրքիայի մի գավառ է եղել։ Սա պատմական առումով։ Իսկ կոնկրետ այսօր Թուրքիան ի՞նչ է ուզում։ Լիբիան ամենահարուստ նավթառատ շրջաններից մեկն է, և երկրորդ՝ Լիբիայի ժամանակավոր կառավարության հետ տարածքի բաժանման պայմանագիր են ստորագրել, որով նա Կրետե կղզին վերցնում է իր, այսպես ասած, շրջանների մեջ և կարող է բարձրանալ մինչև Կիպրոս։ Հիմա Թուրքիան հայտարարում է, որ ես խաղաղասեր եմ և այնտեղ ռազմական գործողություն չեմ ուզում ծավալել։ Բայց այդ հայտարարելու հետ մեկտեղ այնտեղ 8 հազարանոց կոնտինգենտ ուղարկեց ու շտաբ բացեց»։

 

 

Մանրամասները՝ տեսանյութում։

  • Դիտումներ՝ *