Կենսաթոշակները հունվարից բարձրացան 10%-ով: Տնտեսագետները տեսակետներ են հնչեցնում, որ ոչ միայն 10%-ով, այլ ընդհանրապես կենսաթոշակները հնարավոր է բարձրացնել ընդհուպ մինչև 50%-ով: Որքանո՞վ է հավանական: ԱԺ «Իմ քայլը» խմբակցության պատգամավոր Արտակ Մանուկյանը մեզ հետ զրույցում նշեց, որ թոշակների բարձրացումը կրելու է շարունակական բնույթ և ավելի բարձր աճի տեմպերով, քան գնաճն է, դա ֆիքսված է նաև կառավարության ինչպես ծրագրում, անպես էլ «Իմ քայլը» նախընտրական ծրագրում.«Առնվազն այս մեկ տարվա մասով կարող ենք ասել, որ այն վեկտորը, որ դրված էր, իրականացվել է: Հնարավո՞ր է բարձրացնել ընդհուպ մինչև 50%-ով: Ենթադրում եմ, որ ընդդիմադիր հատվածի ինչ-որ գործիչ կարող է նման գաղափարներ ասել: Բայց ասեմ՝ եթե կարելի էր, ապա նախորդ կառավարությունը ուներ բավականին երկար ժամանակ այդ հարցը լուծելու»: