Թեհրանում իրավապահ մարմինները ձերբակալել են Իրանում Մեծ Բրիտանիայի դեսպան Ռոբերտ Մակեյրին՝ իրանական մայրաքաղաքում բողոքի ցույցերը ղեկավարելու պատճառով: Այս մասին հաղորդել է ՏԱՍՍ-ը՝ վկայակոչելով տեղական ԶԼՄ-ներին:
Շաբաթ օրը՝ հունվարի 11-ին, մի խումբ ուսանողներ հավաքվել էին Թեհրանի Ամիր Քաբիրի անվան տեխնոլոգիական համալսարանում՝ Իրանի Զինված ուժերին՝ Ուկրաինայի Boeing 737-ի անկման համար պատասխանատվությունն ընդունելու կոչերով: Մեծ Բրիտանիայի դեսպանը, համալսարանի մոտակայքում գտնվող խանութում լինելով, փորձել էր առաջնորդել հավաքվածներին:
Ձերբակալությունից մի քանի ժամ անց Մակեյրը ազատ է արձակվել: Դեպքի կապակցությամբ նա կանչվել է Իրանի արտաքին գործերի նախարարություն կիրակի, հունվարի 12-ին: