ԱՄՆ Ալաբամա նահանգում ձնաբքի հետևանքով առնվազն երեք մարդ է զոհվել, ասվում է տեղական ազգային օդերևութաբանական ծառայության գրասենյակի հաղորդագրության մեջ Twitter-ում, փոխանցում է «ՌԻԱ Նովոստին»:
Երեք մարդ մահացել է Լուիզիանայում, մեկը՝ Տեխասում: Ձնաբուքն արդեն երկրորդ օրն է մոլեգնում։
«Մենք հաստատել ենք Փիքենս նահանգի Քերոլթոնի մոտակայքում տեղի ունեցած մահվան երեք դեպքը», – ասում են եղանակային ծառայությունից:
Բացի դրանից, «ձյունամրրիկը գնում է դեպի Չիկագո, և այս հանգստյան օրերին քաղաքում ու հարակից շրջաններում սպասվում է կարկտախառն ձյան տեղումներ. տեղ-տեղ ձյան շերտը կարող է հասնել կես մետրի»,– հայտնում է ABC News-ը:
Նրա խոսքով՝ չեղարկվել է ավելի քան 1000 թռիչք:
Ըստ Reuters-ի, անցած երկու օրվա ընթացքում ԱՄՆ յոթ նահանգներում՝ Տեխասից մինչև Միչիգան, տեղացող ձնաբքի հետևանքով հազարավոր տներ մնացել են առանց էլեկտրականության: