ԱՄՆ Նախագահ Դոնալդ Թրամփը մեկնաբանել է բրիտանական արքայազն Հարիի և նրա կնոջ՝ Մեգան Մարքլի՝ թագավորական ընտանիքի ավագ անդամների լիազորություններից հրաժարվելու մասին որոշումը։ Այս մասին հաղորդում է FoxNews-ը։
«Ես կարծում եմ, որ դա տխուր է»,- հայտարարել է նա։ Ամերիկյան առաջնորդը նշել է, որ Մեծ Բրիտանիայի թագուհի Եղիսաբեթ II-ը «հրաշալի կին է», որը երբեք սխալներ թույլ չի տվել։ Թրամփը նաև հավելել է, որ խորին հարգանք է տածում թագուհու հանդեպ և, որ իր կարծիքով, «նրա հետ դա չպետք է տեղի ունենար»։
Հիշեցնենք, որ Մեծ Բրիտանիայի արքայազն Հարին և նրա կինը` Մեգան Մարքլը, Կանադայում անցկացրած 6-շաբաթյա արձակուրդից վերադառնալուց հետո սենսացիոն հայտարարություն արեցին. նրանք հրաժարվում են թագավորական լիազորություններից և այլևս պաշտոնական միջոցառումներին թագավորական ընտանիքը չեն ներկայացնի։ Սասեքսի դքսերը մտադիր են ֆինանսապես անկախ դառնալ։ Իրենց ժամանակի մի մասը նրանք նախատեսում են անցկացնել Մեծ Բրիտանիայում, մյուս մասը` Հյուսիսային Ամերիկայում։