Իրանի նախագահ Հասան Ռոհանին ասել է, որ անհրաժեշտ է չեզոքացնել հակաօդային պաշտպանության համակարգերի թերությունները այն բանից հետո, երբ իրանական զինվորականները սխալմամբ խոցել են «Ուկրաինական միջազգային ավիաուղիներ»-ի ինքնաթիռը:
«Անհրաժեշտ է նաև վերացնել ՀՕՊ համակարգերի բոլոր թույլ կետերը, ձեռնարկել անհրաժեշտ միջոցներ, որպեսզի նման աղետները երբեք չկրկնվեն», – նշել է Իրանի նախագահը:
Հիշեցնենք, որ ավելի վաղ Թեհրանը հայտարարել էր, որ իրանական զորքերը ընկալել են ուկրաինական օդանավ որպես թշնամական ինքնաթիռ՝ ենթադրելով, որ դա հնարավոր է հարձակում է Միացյալ Նահանգների կողմից: