Bellingcat առցանց լրատվամիջոցի հետաքննիչները հաշվարկել են այն օբյեկտը, որից ենթադրաբար հարվածել են Ուկրաինայի միջազգային ավիաուղիների Boeing 737-800-ին: Bellingcat-ի ներկայացուցիչ Խրիստո Գրոզևի խոսքով՝ ենթադրաբար այդ օբյեկտը բազան է, որը հայտնի է որպես Իրանի ՀՕՊ հրթիռային փորձարկման տեղանք:
Ըստ նրա՝ փորձագետները, օգտագործելով «Տոր» համալիրի հրթիռի թռիչքի արագության և օդանավի խորտակման տեսագրության գտնվելու վայրի վերաբերյալ տվյալները, կարողացել են որոշել այն մոտավոր հեռավորությունը, որից արձակվել է հրթիռը՝ 6-6,5 կմ: Այդ հեռավորության վրա միայն փորձարկման բազան է:
Հունվարի 9-ին ՀՕՊ հրթիռով ուկրաինական ուղևորատար ինքնաթիռը խոցելու մասին վարկածը պաշտոնապես առաջադրել են Կանադայի և Մեծ Բրիտանիայի վարչապետները՝ Ջասթին Թրյուդոն և Բորիս Ջոնսոնը:
