ԱՄՆ նախագահ Դոնալդ Թրամփը ԿԺԴՀ-ի ղեկավար Կին Չեն Ընին ծննդյան օրվա կապակցությամբ պաշտոնական շնորհավորանք է փոխանցել Հարավային Կորեայի նախագահ Մուն Չժե Ինի միջոցով: Այդ մասին, ինչպես տեղեկացնում է interfax-ը, հայտնել է «Ռյոնհապ» գործակալությունը:
«Որքան ինձ հայտնի է, ուղերձը Հյուսիսային Կորեային է փոխանցվել համապատասխան կարգով»,-լրագրողներին հայտարարել է Մուն Չժե Ինի՝ անվտանգության հարցերով խորհրդական Չոն Ույ Յոնը Վաշինգտոնից վերադառնալուց հետո:
ԱՄՆ կատարած ուղևորության ընթացքում նա հանդիպում է ունեցել նախագահ Դոնալդ Թրամփի հետ:
Կիմ Չեն Ընի ծննդյան օրը հունվարի 8-ն է:
Կիմ Չեն Ընը Ամանորին հայտարարել էր, որ Հյուսիսային Կորեան շուտով կցուցադրի մշակված ռազմավարական զենքի նոր տեսակը: Դրան ի պատասխան՝ Թրամփը հայտարարել է, թե ինքը հավատում է, որ Հյուսիսային Կորեայի առաջնորդ Կիմ Չեն Ընը կկատարի ԿԺԴՀ-ի միջուկազերծման պարտավորությունները:
