Ռուսաստանի Nordwind Airlines ընկերության մարդատար ինքնաթիռը, որը թռչում էր Մոսկվայից, հունվարի 10-ին կոշտ վայրէջք է կատարել Անթալիայում: Այդ մասին հայտնել է թուրքական Airporthaber կայքը, որը հետևում է քաղաքացական ավիացիայի ոլորտի իրադարձություններին՝ տեղեկացնում է TASS-ը:
Կայքի տվյալներով՝ A321-200 ինքնաթիռի օդաչուներն արտակարգ վայրէջք են խնդրել Անթալիայում օդանավի ծխալցման պատճառով: Վայրէջքի ժամանակ ինքնաթիռի շասսիներից մեկը հարվածից դեֆորմացրել է ֆյուզելաժը: Պորտալը հրապարակել է վնասված մասի լուսանկարը, որտեղ երևում են դեֆորմացիան և օդանավի վնասված երեսվածքը: