Օրերս ԱՄՆ նախագահ Դոնալդ Թրամփը սպառնացել է Իրանի իշխանություններին, որ կարող է հարձակվել պատմական հուշարձանների վրա: Նրա այս հայտարարությունը քննադատել են ոչ միայն Իրանի իշխանությունները և բնակչութունը, այլև ՄԱԿ-ի և ԱՄՆ Դեմոկրատական կուսակցության ներկայացուցիչները:
Թրամփը twitter-ի իր միկրոբլոկում գրառում էր կատարել, որում առանձնացրել էր 52 օբյեկտ, որոնցից մի քանիսը «բարձր են գնահատվում և կարևոր են Իրանի և իրանական մշակույթի համար»: Նա սպառնացել է, որ հուշարձանները ենթարկվելու են «արագ և կոշտ գրոհի», եթե Թեհրանը փորձի վրեժ լուծել գեներալ Սոլեյմանիի մահվան համար:
Առավել նշանակալի մշակութային օբյեկտների շարքում BBC-ին նշել է նաև Իրանում Հայ Առաքելական եկեղեցու գլխավոր տաճարը՝ Սպահանի Սուրբ Քրիստոս Ամենափրկիչ եկեղեցին:
Ըստ գործակալության, Իրանում կա ավելի քան 20 հուշարձան, որոնք ընդգրկված են ՅՈՒՆԵՍԿՕ-ի Համաշխարհային ժառանգություն ցուցակում, այդ թվում՝ Պերսեպոլիս հնագույն քաղաքը, Իմամի հրապարակը Սպահանում, Իմամի եկեղեցին (Շահի մզկիթը), Յազդ քաղաքը, Գոլեսթանի պալատը, Թավրիզի շուկան և այլն: