Euro NCAP ընկերությունը կազմել է ամենաապահով ավտոմեքենաների ամենամյա վարկանիշային աղյուսակը: 2019-ի հաղթողներն ընտրվել են եվրոպական չափանիշներով դասակարգմանը համապատասխանող հինգ կատեգորիաներում, ինչպես նաև հիբրիդային և էլեկտրական ավտոմեքենաների հատվածում:
2019-ին Euro NCAP-ը փորձարկել է 55 ավտոմեքենա, որոնցից 41-ը ստացել է ամենաբարձր գնահատականը՝ հինգ աստղ: Միևնույն ժամանակ, ինչպես և անցած տարի, ամենաապահով մեքենայի տիտղոսը «Փոքր ընտանեկան ավտոմեքենա» կատեգորիայում բաժին է հասել Mercedes-Benz CLA-ին: Դիզայներական սեդանում չափահաս ուղևորների պաշտպանությունը գնահատվել է 96%, երեխաներինը և հետիոտներինը՝ 91%, իսկ օժանդակ համակարգերի աշխատանքը՝ 75%:
«Մեծ ամենագնաց» կատեգորիայում հաղթել է Tesla Model X-ը, ևս մեկ Tesla՝ Model 3 սեդանը, լավագույնն է ճանաչվել միանգամից երկու՝ «Ամենաապահով հիբրիդային և էլեկտրական ավտոմեքենա» և «Ընտանեկան մեծ ավտոմեքենա» կատեգորիաներում: Երկրորդ դեպքում, Model 3-ը առաջին հորիզոնականը բաժանել է BMW 3 սերիայի հետ:
Անվտանգության առումով ամենալավը Subaru Forester փոքր ամենագնացն է (մեծահասակների պաշտպանության համար՝ 97%, երեխաների՝ 91%, հետիոտների` 80%, էլեկտրոնային համակարգերի շահագործման համար` 74%): Քրաշ-թեստերում նմանատիպ արդյունքներ են ցուցադրել նաև Mazda CX-30-ը և Volkswagen T-Cross-ը:
Քաղաքային սուբկոմպակտ ավտոմեքենաների կատեգորիայում հաղթողներ են դարձել Audi A1-ը և Renault Clio-ն (համապատասխանաբար 95 և 96 տոկոս ուղևորների պաշտպանության համար):
Mazda CX-30 քրոսովերը, չնայած որ իր կատեգորիայում զբաղեցրել է երկրորդ տեղը, այնուամենայնիվ վաստակել է ամենաբարձր գնահատականը. մեծահասակ ուղևորների պաշտպանության համար՝ 99,. երեխաների և հետիոտների պաշտպանության համար՝ համապատասխանաբար 86 և 80 տոկոս:
