Վրաստանում ամերիկյան ռազմակայաններ տեղակայելու հարց օրակարգում չկա: Այդ մասին հունվարի 9-ին հայտարարել է Վրաստանի արտաքին գործերի նախարար Դավիթ Զալկալիանին կառավարության նիստից հետո կայացած բրիֆինգում՝ տեղեկացնում է TASS-ը:
«(ԱՄՆ-ի ռազմակայանների տեղակայման շուրջ) այդ խոսակցությունները շահարկումներ են: Այդ հարցը չի դիտարկվում»,- ասել է Զալկալիանին՝ պատասխանելով լրագրողների այն հարցին, թե Թբիլիսին կարող է արդյոք դիտարկել իր տարածքում ԱՄՆ-ի ռազմակայաններ տեղակայելու հարցը:
Վրաստանի նախագահ Սալոմե Զուրաբիշվիլին հունիսին աննպատակահարմար էր համարել երկրում ԱՄՆ-ի ռազմաբազաներ կառուցելու գաղափարը: Դրա պատճառով վրացական պետության ղեկավարը խիստ քննադատության էր ենթարկվել ընդդիմության կողմից, որը նրան իմփիչմենթով էր սպառնացել նման հայտարարությունների համար: