Իրանի արտգործնախարար Ջավադ Զարիֆը հեռակա բանավեճ է ունեցել ԱՄՆ նախագահ Դոնալդ Թրամփի հետ, ով հայտարարել է Միացյալ Նահանգների աննախադեպ ռազմական հզորության մասին՝ գրում է interfax-ը:
Հունվարի 8-ի նախօրեին Թրամփը Սպիտակ տանը ասել է, որ «ԱՄՆ-ի զինված ուժերն ավելի ուժեղ են, քան երբևէ»: «Մեր հրթիռները մեծ են, հզոր, ճշգրիտ, մահացու և արագ: Աշխատանքներ են տարվում տարատեսակ գերձայնային հրթիռների վրա», – ասել է ԱՄՆ նախագահը:
Ի պատասխան՝ հինգշաբթի օրը Զարիֆը գրառում է արել իր թվիթերում, որ աշխարհը վերահսկվում է ոչ թե «գերազանց զենքերով», այլ մարդկանց կողմից: «Եվ մեր տարածաշրջանի մարդիկ ցանկանում են, որ Միացյալ Նահանգները լքեն այն», – ասել է նախարարը:
Իրանական ԶԼՄ-ները հիշեցնում են, որ Զարիֆը այս շաբաթվա սկզբին ասել էր, որ «սկսվել է Արևմտյան Ասիայում ԱՄՆ-ի չարամետ ներկայության մայրամուտը»: