Լիբանանյան «Հեզբոլահ» շարժման զորքերը մոտեցել են Իսրայելի սահմաններին: Այս մասին հաղորդում է Al-Masdar News-ը հղում անելով իրանյան Իսլամական հեղափոխության պահապանների կորպուսի ներկայացուցիչներին:
Համաձայն Կորպուսի հայտարարության շիաների խմբավորումն իր զինյալներին եւ ռազմական տեխնիկան առաջ է բերել դեպի իսրայելյան սահմանը:
Ավելի վաղ Իրանի իշխանությունները սպառնացել էին, որ պատրաստ են հարվածներ հասցնել Իսրայելին, եթե ԱՄՆ շարունակի թեժացնել դրությունը: Իսրայելի վարչապետ Բենիամին Նաթանյահուն խոստացել է կոշտ պատասխան տալ բոլոր նրանց, ովքեր կհամարձակվեն հարձակվել Իսրայելի վրա:
Իսլամական Հանրապետության ներկայացուցիչների հայտարարությունները հնչեցին այն ժամանակ, երբ ամերիկյան ավիաբազաները հրթիռակոծվեցին: Հրթիռակոծության ընթացքում ոչ մի ամերիկյան զինվոր չի զոհվել: ԱՄՆ նախագահ Դոնալդ Թրամփն ի պատասխան իրանյան կողմին խաղաղության կոչ արեց, բայց նոր տնտեսական պատժամիջոցներ խոստացավ:
