Իրանի իշխանությունները նախնական հաշվետվություն են հրապարակել ուկրաինական Boeing-ի կործանման պատճառների վերաբերյալ։
Հաղորդվում է, որ իքնաթիռը փորձել է վերադառնալ օդանավակայան, սակայն տագնապի ազդանշան չի կարողացել տալ։
«Ինքնաթիռը սկզբում բարձրանում է 8000 ֆուտ, ինչից հետո կորչում է ռադարներից, բախվում է գետնին և կործանվում է։ Ականատեսների հաղորդումների համաձայն, ինքնաթիռում հրդեհ է բռնկվել, իսկ ինքնաթիռի՝ գետնի հետ բախումից հետո պայթյուն է տեղի ունեցել»,- հայտարարել է Իրանի Քաղավիացիայի ղեկավարը։
Նաև հայտնի է դարձել, որ սև արկղերը վնասված են եղել և հանձնվել են վերծանման, ինքնաթիռի բոլոր բեկորները նույնպես հավաքվել և փորձաքննության են ուղարկվել։
Հիշեցնենք, որ Թեհրանից Կիև չվերթ կատարող Boeing 737-ը կործանվել է հունվարի 8-ին, Իմամ Հոմեյնիի անվան օդանավակայանում։ Ինքնաթիռում 176 մարդ է գտնվել, այդ թվում անձնակազմի 9 անդամներ։
