Փարիզի Շարլ դը Գոլ օդանավակայանի աշխատակիցները երեխայի դի են հայտնաբերել Աֆրիկայի Կոտ դ’Իվուար երկրի տնտեսական մայրաքաղաք Աբիդջանից ժամանած ինքնաթիռի շասսիում: Այդ մասին հայտնում է BBC- ն:
Պարզվում է, որ երեխան մոտ 10 տարեկան է եղել:
Ներկայում Աբիջանի օդանավակայանում իրականացվում է օդանավակայանի անվտանգության ստուգում:
Լրատվամիջոցները հայտնում են, որ անցած մեկ տարվա ընթացքում Ֆրանսիայում բազմիցս հայտնաբերել են կյանքի համար անհամատեղելի վնասվածքներով կամ ցրտահարված ապօրինի ներգաղթյալների, որոնք թաքնվել են ինքնաթիռների շասսիի խցիկներում: Դեպքերի մեծ մասը տեղի է ունեցել Աֆրիկայից եկող ինքնաթիռներում:
