«Ուկրաինայի միջազգային ավիաուղիներ»-ի (UIA) նախագահ Եվգենի Դըխնեն ասել է, որ Թեհրանում կործանված Boeing 737-800 ինքնաթիռը սարքին է եղել: Այդ մասին հայտնում է interfax-ը:
Ըստ Դըխնեի՝ 2020թ․ ինքնաթիռը վերջին հերթական տեխնիկական սպասարկումն անցել է հունվարի 6-ին։
«Մենք երաշխավորում ենք մեր ինքնաթիռների սարքին լինելը և անձնակազմի բարձր որակավորումը», – նշել է ընկերության ղեկավարը:
Նա նաև նշել է, որ UIA-ը տեղի ունեցած ողբերգության վերաբերյալ մանրակրկիտ հետաքննություն կանցկացնի Ուկրաինայի, Իրանի ավիացիոն իշխանությունների, Boeing ինքնաթիռների արտադրական ընկերության ներկայացուցիչների, ինչպես նաև Ուկրաինայում քաղաքացիական ինքնաթիռների պատահարների և միջադեպերի հետաքննության ազգային բյուրոյի մասնակցությամբ:
