Իրանն ամերիկյան բազները հրթիռակոծել է Qiam-1 եւ Fateh-110 հրթիռներով: Այս մասին NBС հեռուստաալիքին են ասել մի շարք փորձագետներ, այդ թվում նաեւ Միդլբերիի միջազգային հետազոտությունների Ինստիտուտից:
Qiam-1 հրթիռները Scud հրթիռների նորարական մշակումներից են: Նրանք մշակվել են Իրաքում եւ օգտագործվել են 1990-1991 թթ-ին Պարսից ծոցում տեղի ունեցած պատերազմի ժամանակ: Իրանական Qiam-1-ը , ի տարբերություն իր նախորդի, ունի նշանառության համակարգ եւ աշխատում է հեղուկ վառելիքով: Թեհրանը դրանք օգտագործել է ՊԻ-ի գրոհայինների դեմ 2017-ին:
Fateh-110 հրթիռները, համաձայն ԱՄՆ հակահրթիռային պաշտպանության տվյալների, համարվում են փոքր շրջանի գործողության բալիստիկ հրթիռներ:
Դրանից բացի, NBC-ն պնդում է, որ ամերիկյան զինվորականները նախազգուշացվել են, որ հրթիռներն արձակվել են Իրանի տարածքից:
Հրթիռակոծությունն իրականացվվել է հունվարի 8-ի գիշերը: Օպերացիան կրում է «Նահատակ Սուլեյմանի» անվանումը: