Հայաստանում ամանորյա տոները շարունակվում են․ «Առաջին լրատվական»-ը փորձեց պարզել՝ ինչպե՞ս են մեր համաքաղաքացիները դիմավորել 2020 թվականը։
«Այս տարվա Ամանորը շատ հետաքրքիր և ուրախ անցավ, Հանրապետության Հրապարակում ենք դիմավորել ու մանավանդ մեր վարչապետի շնորհավորական ելույթը շատ հաճելի էր, շատ ոգևորիչ էր և կցանկանայի, որ նախորդ տարի սկիզբ առած բազմաթիվ բարեփոխումներն այս տարի էլ շարունակվեն, որպեսզի մենք բոլորս կարողանանք վայելել մեր նոր և հեղափոխական Հայաստանը, որովհետև մենք այս երկրի քաղաքացի ենք ու պետք է շատ սիրենք մեր Երևանը, մեր երկիրը»,- ասաց քաղաքացիներից մեկը։
Մեկ ուրիշն էլ իր հերթին նկատեց․ «Մենք մեր տանն ենք ընտանիքով նշել Նոր տարին ու Սուրբ Ծնունդը, շատ ուրախ, զվարթ դիմավորեցինք ու հեռուստացույցով հաճույքով նայեցինք նաև մեր վարչապետի ուղերձը, նախկին տարիներին ղեկավարների ելույթները չէինք նայում, բայց այս անգամ մեզ համար շատ հետաքրքիր էր ու մեծ ակնկալիքներ ունենք մեր երկրի համար․ հուսով ենք, որ մեր ժողովուրդը շատ ավելի է ապրելու, ճիշտ է դրա համար ժամանակ է հարկավոր՝ ամեն ինչը միանգամից չի լինում, բայց կամաց-կամաց մենք հասնելու ենք նրան, որ մեր երկրում էլ արդարություն ու բարեկեցություն հաստատվի ու արդեն աստիճանաբար տեսնում ենք, որ մարդիկ էլ են փոխվում՝ ավելի ուրախ ու ժպտերես են դառնում»։
Մանրամասները՝ տեսանյութում։