Իրանի նախագահ Հասան Ռոուհանին օրինակ է բերել 1988 թվականին խոցված իրանական ուղևորափոխադրող ինքնաթիռը, ցույց տալու համար, որ իր երկիրն ավելի շատ պատճառներ ունի որպես հատուցում հարվածներ հասցնելու ամերիկյան օբյեկտներին։
Շաբաթ օրը Դոնալդ Թրամփը գրել էր, որ Միացյալ Նահանգները նշանառության տակ են առել իրանական 52 օբյեկտներ (համապատասխանաբար 52 ամերիկյան պատանդներով, որոնք տարիներ առաջ պատանդ են վերցվել Իրանի կողմից ), այդ թվում մշակութային ժառանգության շինություններ։
«Նրանք, ովքեր հիմնվում են 52 թվի վրա, պետք հիշեն 290 թիվը և IR655 չվերթը։ Երբեք մի սպառնացեք իրանցի ժողովրդին»,- գրել է Ռոուհանին։ Նախագահը նկատի է ունեցել 1988 թվականին ամերիկյան ՌԾՈՒ հրթիռով Պարսկական ծոցում խոցված A300 ինքնաթիռը։ Ինքնաթիռը Թեհրանից Դուբայ էր թռչում։ Զոհվեցին ինքնաթիռում գտնվող բոլոր 290 ուղևորներն ու անձնակազմի անդամները։
