«Չելսիի» և Շոտլանդիայի հավաքականի նախկին խաղացող Պեթ Նեվինը պատմել է, որ մի անգամ հազիվ է խուսափել Ռոման Աբրամովիչին մեքենայով վրաերթի ենթարկելուց:
Շոտլանդական Արրանե կղզում հանգստի ժամանակ Նեվինը մեքենա վարելիս վերջին պահին հազիվ է խուսափել հեծանվորդի հետ բախումից: Նախկին ֆուտբոլիստի խոսքերով, Աբրամովիչը մահվան եզրին էր:
«Ես վերջին պահին խուսափեցի հեծանվորդի հետ բախումից: Ես կարող էի սպանել այդ տղային, դա Ռոման Աբրամովիչն էր: Պատկերացնում եք, թե ինչ պատմություն կլիներ, եթե ես սպանեի Աբրամովիչին: Շատ քիչ էր մնում դրա համար:
Նրա զբոսանավը ափի մոտ էր, իսկ նա հեծանիվ էր վարում: Նա դեռ չգիտի, որ այդ մեքենան վարողը ես եմ եղել»,- ասել է Նեվինը BBC Radio Scotland-ի եթերում:
Նեվինը «Չելսիի» կազմում խաղացել է 1983-1988 թվականներին: «Կապույտների» կազմում նա 193 հանդիպում է անցկացրել՝ դառնալով 36 գոլի հեղինակ:
