HMD Global ընկերությունը կվերականգնի Nokia հեռախոսի դասական մոդելներից մեկի արտադրությունը: Շնորհանդեսը տեղի կունենա ամսվա վերջին, գրում է GSMArena-ն՝ ընկերության թոփ-մենեջերի գրառմանը հղումով:
HMD Global-ի արտադրանքի գծով տնօրեն Յուհո Սարվիկասը գրել է, որ ընկերությունը ծրագրել է վերականգնել Nokia հեռախոսի թողարկումը, և, դատելով գրառումից, դա տեղի կունենա չինական Նոր տարուն՝ հունվարի 25-ին: Միևնույն ժամանակ, առանձին նշվում է, որ հեռախոսը լինելու է Nokia-ի դասական գծից:
HMD Global-ի կողմից առաջին վերաթողարկված հեռախոսը Nokia 3310-ն էր, որը ներկայացվեց 2017-ի փետրվարին: Հեռախոսը ստացել է 320×240 պիքսել լուծույթով 2.4 դյույմանոց էկրան և 2 մեգապիքսելանոց տեսախցիկ: Սարքն աջակցում է microSD հիշողության քարտերին և համեմատած իր նախորդի հետ, այն դարձել է շատ ավելի բարակ և թեթև: Ավելի ուշ ընկերությունը թարմացրել է մոդելը և ավելացրել 4G աջակցությունը, Wi-Fi և որպես հասանելիության կետի աշխատելու ունակություն:
