Լրատվամիջոցների հաղորդումներն այն մասին, որ ԱՄՆ նախագահ Դոնալդ Թրամփը հրամայել է վերացնել իրանական գեներալ Ղասեմ Սոլեյմանիին՝ առանց բավարար հետախուզական տվյալների, թերի է և ոչ ստույգ, գրել է Պենտագոնի մամուլի քարտուղար Ալիսա Ֆարան Twitter-ում:
Նա նշել է, որ New York Times պարբերականի աղբյուրներն «ակնհայտորեն մասնակից չեն եղել նկարագրված հանդիպումներից որևէ մեկին»: Նրա խոսքերով, տվյալ տեղեկատվությունն ապակողմնորոշիչ է:
Հունվարի 4-ին New York Times-ը հաղորդել էր, որ ԱՄՆ ռազմական գերատեսչության պաշտոնյաները Թրամփին առաջարկել են ոչնչացնել Սոլեյմանիին, բայց ծայրահեղ անհրաժեշտության դեպքում: Հղում անելով աղբյուրներին՝ լրագրողները գրել էին, որ ամերիկյան առաջնորդը հրաման է տվել այն դեպքում, երբ վարչակազմում դեռևս շարունակվում էին վեճերը հետախուզության նոր տվյալների վերաբերյալ:
Ավելի վաղ, այդ հոդվածի տվյալները հերքել էր պետքարտուղար Մայք Պոմպեոն:
