Ավարտվեց 2019 թվականը, չե՞ք ասի՝ ինչով այն նշանավորվեց Կոտայքի համար․ «Առաջին լրատվական»-ի հարցին Կոտայքի մարզպետ Ռոմանոս Պետրոսյանը պատասխանեց․ «Եթե շատ կարճ, ապա Կոտայքի համար 2019 թվականը օրենքի գերակայության հաստատման, համայնքներում նախադպրոցական կրթության հաստատությունների հիմնադրման, ինչպես նաև բնակչի վերածումը քաղաքացու այդ փշոտ ճանապարհի սկզբի դրման տարի էր»։
Իսկ ինչպե՞ս եք պատկերացնում բնակչին քաղաքացու վերածելու այդ ճանապարհը․«Առաջին լրատվական»-ի հարցին Ռոմանոս Պետրոսյանը պատասխանեց․ «Դա բավականին բարդ գործընթաց է իրենից ենթադրում, և պիտի ասեմ, որ այդ նպատակին միտված մեր բոլոր գործողությունները բացառապես պայմանավորում են ինստիտուցիոնալ գործունեությամբ։ Այսինքն՝ տեղական ինքնակառավարման առումով մենք շատ կարևորում ենք ինստիտուտների դերակատարումը, և անձինք այդ պարագայում կարևոր չեն։ Մենք դեռ մեր ընդդիմադիր լինելու շրջանում հռչակել էինք, որ «Քաղաքացիական պայմանագիրը» ինստիտուցիոնալ ընդդիմություն է, և այժմ մենք ինստիտուցիոնալ ուղով ենք պատրաստվում կառավարել մեր երկիրը։ Եվ այս պարագայում քաղհասարակությունն արդեն ոչ թե կապավինի անհատների, մեծահարուստների, ազդեցիկ հեղինակությունների, այլ կապավինի թիվ մեկ հեղինակությանը՝ Հայաստանի Հանրապետությանը։ Այդ ժամանակ շատ հարցեր ինքնին կկարգավորվեն»։
Մանրամասները՝ տեսանյութում։
