Մեծ Բրիտանիայի վարչապետ Բորիս Ջոնսոնը հայտարարել է, որ իրանցի գեներալ Քասեմ Սոլեյմանին սպառնալիք էր Մեծ Բրիտանիայի շահերի համար, հաղորդում է Sky News-ը:
«Քասեմ Սոլեյմանին սպառնալիք է մեր շահերի համար, և մենք չենք սգա նրա մահը, բայց ակնհայտ է, որ վրեժի կամ վրեժխնդրության բոլոր կոչերը պարզապես կհանգեցնեն տարածաշրջանում էլ ավելի մեծ բռնությունների, և դա չի բխում ոչ ոքի շահերից»,- ասվում է Ջոնսոնի հայտարարության մեջ:
Իրանի Իսլամական հեղափոխության պահապանների կորպուսի հատուկ ջոկատի հրամանատար Քասեմ Սոլեյմանին սպանվել է հունվարի 3-ի գիշերը Բաղդադի միջազգային օդանավակայանում:
Իրաքում նրան ոչնչացնելու գործողությունն իրականացրել են ԱՄՆ-ի զինված ուժերը՝ նախագահ Դոնալդ Թրամփի ցուցումով:
Իրանի Գերագույն առաջնորդ Ալի Խամենեին խոստացել է վրեժ լուծել ԱՄՆ-ից՝ Սուլեյմանիի մահվան համար:
