Գերմանիայից ժամանած վեց զբոսաշրջիկներ զոհվել են, իսկ 11-ը վնասվածքներ են ստացել իտալական Լութագո լեռնադահուկային հանգստավայրում, երբ վարորդը, ենթադրաբար հարված վիճակում, վրաերթի է ենթարկել նրանց:
Ըստ Local Italy-ի, դեպքը տեղի է ունեցել գիշերվա ժամը մեկի սահմաններում, երբ գերմանացի 17 զբոսաշրջիկները, գիշերային ակումբ այցելելուց հետո, սպասում էին ավտոբուսին:
11 վիրավորներից 3-ը ծանր վիճակում են: Տուժածներից երկուսին ուղղաթիռով տեղափոխել են Ավստրիայի Ինսբրուկ քաղաքի հիվանդանոց, իսկ մյուսներին օգնություն է ցուցաբերվում Իտալիայում:
Ըստ իտալական Corriere Della Sera պարբերականի, երբ ոստիկանությունը ժամանել է դեպքի վայր, վարորդը, որը տեղաբնակ է, եղել է ծայրահեղ հարբած վիճակում: Նրան ձերբակալել են և տեղափոխել հիվանդանոց:
