«2019-ին հատուկ տպավորիչ ինչ-որ բաներ չեն եղել: Մեր երկրում կատարված փոփոխություններից հետո առաջին տարին էր, և մեծ էին սպասելիքները, և գուցե սպասելիքներին հետևելով էր, որ տպավորվեց»,- ամփոփելով 2019-ը՝ «Առաջին լրատվական»-ի հետ զրույցում ասաց ռեժիսոր Տիգրան Պասկևիչյանը:
Սպասելիքների արդարացման առումով մեր զրուցակիցը նշեց, որ դրանց մի մասը արդարացավ, բայց ընդհանուր առմամբ նա նկատում է ճիշտ ուղղվածություն, բայց ոչ ճիշտ նախաձեռնողականություն, ոչ ճիշտ արագություն և ոչ ճիշտ նպատակասլացություն: Նրա խոսքով՝ 2019-ին արված հարցադրումները դեռ օդում են. «Դրանց լուծումները՝ որպես վերջնարդյունք, դեռևս մենք չունենք»:
Ինչ վերաբերում է ընդդիմության ձևավորմանը, Տիգրան Պասկևիչյանը նշեց. «Այդ սուրբ տեղը դատարկ չեն թողնում, փորձում են ինչ-որ ձևով լցնել հին ուժերով, բայց դա պետք է մարդկանց չհուսահատեցնի: Ոչ թե պետք է քննադատել, թե վարչապետի կինը ուր գնաց, որտեղից ուր եկավ, ինչ օդանավով, այլ պետք է առաջադրվեն խնդիրները, պետք է ձևակերպվեն հասարակության հարցադրումները. սա պետք է լինի իրական ընդդիմության տեղը: Հակառակ դեպքում այս իշխանությունը ենթակա է ձևափոխումների, ենթակա է գայթակղությունների տրվելու»:
Նրա խոսքով՝ նախկինները պարտված են, և բնական է, որ ինչ-որ ձևով պետք է փորձեն խանգարել ու վրեժ լուծել:
Հարցազրույցն ամբողջությամբ՝ տեսանյութում: